Ustin l'Academic...

Cui lesi Ustin De Stefani?

Ustin a le un alpinìst, academic dal CAI, nassût dongja Mantua, cognusût in dut il mont par il siô essi naturalist, fotografo e par essi il sest omp tal mont a vêi rimpinât duti li vetis sora i votmil metros. Simpri in prima linea cuant ca le da denuncjà il dispresu ambientâl, a le president e un dai fondatôurs di MOUNTAIN WILDERNESS (muviment ambientalist internazionâl pala tutela dali mons). Daspò vêi zirât il mont in lunc e in larc, par gracia di cualchi bon maniagheis, a le rivât dali nostri bandis par butà un cuc sul San Lurinç e rindisi cont dibesôul di ce raza di smierdaria ca son davoûr a fâ e di cetanta bieleça chi vin. Tal sio soraloûc a la dimostrât di essi un grant omp, cuntuna passion autentica pal'ambient, no comi chei suranei ca pratichin il mutismo diplomatic. Ustin De Stefani da agns al si e mitût dimpegn par partà in somp progjes umanitarîus in Nepal costruint scolis e promuvint il svilup culturâl locâl.
I sô voi a son chei di un omp sinceîr e bon chi cula machina fotografica a la documentât e carpît la bieleça dala natura. Pensait ben a un omp c'al ven da lontan e cal si interessa dal nestri San Lurinç pi di chei dal loûc e cença domandà nuja a nissun.
Altris "omps di mont-artiscj-rimpinadôrs" a son stâs contatâz par interesasi al San Lurinç ma cença vêi nencja vût rispostis (...uchì purtop sponsor$$ a nond'è e nencja televisions).
Un grasie di coûr a Ustin pala sô sensibilitât.

Maman

Pensa mâl a le brut ma...

Comi ca si dîs pensà mâl a le brut ma dispes a si la induvina!

I vin fat li çôris scrivint di perplesitâs ma a cuant cal pâr i vin centrât in plen il centri. Ieîr gran sfilada cun (a disin i gjornai...) vincj mil personis a vardà i cjârs di maschera e ducj a pavonegjâsi pal risultât ma tal gjornâl a no le scrit dut.
Rindin merit e complimenz mil voltis a chei ca an lavorât par l'alestiment dala plaça (braus braus e ancjemò braus...) ma basta spostâsi un fîl pi in su dala plaça e subit la mignestra a cambia.
Ducj i arbui di via Piave a son pleâs e cualchidun tajât (ca ti colassin li mans almancul...), i pales ca tegnin su i cartei stradai a son stâs tajâs cula flex (naturalmentri a paiaran chei pantalons ca iu an mitûs ucussì malamentre...) i cjârs pi grancj a son partîs a miesa via, la gorgna dala cjasa uvì dal broili ae stada ingrampada da un cjâr e via discurint. Un amîgu dal blog a la dit cun certeça chi tancjus dai cjârs grancj ca dovevin vigni a sfilà no son vignûs par mutivus "imprecisâs".
Complimentons invezit al cjâr ca la viert la sfilada, chel cun scrit (in dialet ostia... ;-) voelvamo fare un grande circo ma... NOL PASAVA! e Sarà pur un birucin ma... ALMENO QUESTO IL PASSA!!!
...mancumal chi doman il carnevâl al finis sinò tal prossin consei comunâl a volarà da domandà bês par un intervent straordenari di ristruturazion dala viabilitât

Maman e bon carnevâl a ducj

A carnevâl si si maschera...

Cualchi timp indavoûr ae stada fata una interogazion in merit ai pi chi gjiustificâz dubius da la înt sul passagju dai cjârs mascherâ in via Piave. La rispuesta istituzionâl a chista interogazion (grasie di coûr a un brau paesan ca sil'a mandada...) ae stada chista:
"In riferimento all'interrogazione a risposta scritta sulla 43^ edizione del Carnevale dei ragazzi, si comunica che in data 24 gennaio c.a. si è tenuto un incontro presso la sede municipale tra Comandante della Polizia Municipale e il Comitato del Carnevale dei Ragazzi. In tale occasione il Comitato ha confermato lo svolgimento della manifestazione, in linea di massima secondo il percorso usuale" Distinti saluti Emilio di Bernardo (il sindic).
Il fat ca seipi scrit "in linea di massima" a voûl za disi che il percors vecju di agnons, grasie ala nôva e creativa viabilitât, nol pos essi rispietât. Chei ca fasin cjârs da una vita a an bielza dit che i cjârs pi larcs a fasaran un grum di fadia a passà; il comitât intun moment di smariment (si spera...) al'a adiritura propunût da spostà arbui e segnai (:-D :-D :-D) e cualchi cjâr di sigûr al dovarà parti da una tappa a miesa via parcechi par Via Piave no passin (a son za i cartei culi indicazions istituzionai...). Encja chistu cal'è un dai apuntamenz pi popolâs di Manià a le stât condisionât da sieltis pi chi discutibî.
L'idea gjenerâl dal paeîs ae chê chi par cualchi "Pantalon" di Manià il carnevâl al duri dut l'an.

Maman e ...coriandui fritulis e crostui a ducj.

Timp di mascheris e cjars...

Da tancju agns la ricurinça dal carneval a Manià ae doventada un apuntament inmancabil pai amans dali mascheris. Zirant pa'l paeîs a si possin cucà una schiria di canteîrs improvisâz dulà ca nassin i cjars pala sfilada di Domenia 18 di fevrâr.
Scuasi ogni borgada di Manià a parturis un cjar (cualchiduna encja pi di un...) e tancjus a rivin dal forest. I grups a son numerôus e la voja da fâ fiesta ae tanta. Par ducjus l'apuntament a le in plaça a Manialivri da dulà ca partis la sfilada chi dopu a finis a Manià in plaça (cunçada pali fiestis encja chêc...).
Stu an vidût il restyling di via Piave tancjus a si domandin cemont ca fasaràn cers cjars a passà e a son bielzà torotor voûs ca dizin chi chei pi grancj a partiran dal broili (la crosera fra via piave e via degli eroi...) e chei pi piçui da Manialivri.
Si veit notizis in merit faseivi pur sintì.

Mandi a ducj

Storia a intermitença

No si an informazions in merit ala data di costruzion (presumibilmentri atôr dal XI secul...) ma cualchi document databil al cincent e cualchi disegn, a fan disi ca l’êra un stabil robuston, pojât subit sora il paeîs suntuna culina nomenada dai Ulîfs. Il discutibil restauro fàt dopu il teramot dal 76 al'a mitût in lustri la disposizion dali stanzis e chê dali toretis croladis dopu il teramot dal 1511. A recès dal ciscjel a l’êra il Palatium Patriarcale cun dongja li presons e il forcjon par picja i condanâs. Tal curtîf ienfri i mûrs a l’êra la glesia di San Jacu e foûr dai mûrs al’êra n’altra glisiuta (incjmò voi intun bon stât di sonservazion...) minçonada bielzà dal 1291, cun dentri una pitura di Bastian Maçoni.
Dal ciscjel a restin ormai cuatri rudinàs in mieç ala cimaia testimoniança di un ategjament di totâl disinteres par un monument important pal paeîs, doprât domi comi pretest par fâ pulitica, ma dismintiât pal so valôur stotic. Disinteres no rimbecabil parcechi da scuasi doi agns la luminaria ca dovares metilu in mostra a funsiona a intirmitinça e l’aministrazion comunâl (inamorada dai ruders tant da volêi spindi un maseron di bês par comprâlu...) no a cjatât un moment par comedâla. Tigninsi ben tal cjâf encja il ciscjel cuant chi zin a sielsi il prossin sindic.

Maman