Nissun segn... public!

A reces dali elezions di doman e di lunis, nissun candidât a la lassât un segn public par fâ capì li sô intenzions. Nissun segn di buna volontât o un straç di programa par furlan. Però a disila duta a son rivadis diversis mail, in privât, chi naturalmentri a restin in privât (l'osteîr al scolta e nol pant...).
Fasint cuatri considerazions suli campagnis fin chi vidudis il doman a le preocupant! Tai comizis cula int a si e fevelât tant cença però disi nuja par no sbilançâsi (tipicu dal ambient...), si son vidûs atacs personâi in stile merecan (ma uchì i sin in Friûl...), si son butâs via cuintai di cjarta par di bant (almancul fint'al prossin unvier...), ducj a an la cura par guarì Manià ma soradut ducj a an voja da vêi na cjadrea. Ducj a an fât dut! Ducj a saludin "ducj" comi sa fossin amigons e da lunis nissun conos pi nissun; si comeda di corsa ce ca si pos par lemosinà cualchi vutut e a vegnin foûr magagnis ca son in piè da un biel toc ma coventava tirâlis four al moment gjust... complimens, voaltris si chi voleit ben a Manià!
A ven da pensà chi l'unica cura par Manià, sei chêc da vei zent no inmaneada cui ambiens politics e ca veipi domi voja di fâ. E da fâ and'è encja di massa!
A pensà ben un biel segn i l'aveit lassât... ma al somea tant a chel dali mudandis dopu il cagot!

Mandi a ducj!

Lassà un segn par Manià

Il timp al cor e li elezions par sielgi il noûf sindic a son davoûr il cjanton.
Ducju a si domandin cui ca le miei e cui c'al sarà chel c'al farâ di miei p'al paeîs. Giavâdis li bêghis fra candidâs chi ogni dì a implinissin i gjornai, i curtisârs a volaressin capì alc di pì sui candidâs e sui programs ca intindin meti in piè.
Par udâ i curtisârs e i maniaghêis a sielgi, i vulin invidà i candidâz, a ducj i livei, a scrivi alc in marilenga sul blog cença imbroià o fâsi udà (...chei ca imbroin a vegnaran scancelâs...).
Pai curtisârs, scrivi par furlan a voûl disi cognossi il paeîs e la so cultura, fâni part, voleighi ben fint'in font e no essi i solits grampa cjadreis.

Maman a ducj