L'ereditât di Milio

Comi chi ben si sà ogni volta ca si a di cjapà in man una ereditât il pi dali voltis a nassin rognis. La ereditât di Milio a no fâ ecezion, e chei c'a an da spartisila (i maniaghêis...), prima incjimò da vêila a savevin bielzà ca sares stada un condòt cula puarta spalancada.

Una viabilitât totalmentri scumbusolada (viis, ritondis e altris pacasadis...), la cuistion dal San Lurinç biela blindada (tant da no pedei fâ nuja pi di tant...), una biela discjaria nova (intuna zona bielisima di Manià...), zonis dal paeîs completamentri incuinadis, un menefreghisin totâl pali coltelerîs (da simpri tradizion marchi di fabrica e sanc dal paeîs...), biei palaçons di peton in plen centri (no si sa par cui viodût ca son mieçs goits...) fontanis (bunis domi par oselà...) e una schiria di tanti altri rubutis...
...no pudint rinunçà a l'ereditât, no si resta altri chi consolâsi (cun granda amareça e un biel gôsu... ) savint chi almancul duta sta rabaldaria a no e stada fata da un di Manià!

Maman

La Cossana

Ducju chei c'a son nassûs a Manià cuant ca sintin la peraula Cossana a pensin a cjamps, fen, panôlis, ucei, claps e plantis (encja rarisimis...) dongja la Cilina.
Chistu loûc tant biel però a le encja tant martoriât da omps cença udisi, cença scrupui e cula solita pasion pali manduli$$ chi tai ultins agns a an martoriât il teritori di Manià pêsu dali catastrofis. Ven a stà chi dopo vei plaçât una discjaria, un poligono dulà tirà cartucjs al'uranio inpuarît ades a ven plaçât, cul benstà dala precedent aministrazion, un biel implant par incenerì scovacis umidis ca vegnin da dut il nord est. Il fat curiôus a le chi nissun sa nuja, nencja i "ex" aministradôurs, chi cuant ca vignevin interogâs sula cuistion a davin, ognun, una version difarent.
Prima da zi foûr dai cantins, a si son niçâs par aprovà in freta e furia l'insediament di un implant a alt impat ambientâl cença visà nissun e cirint da studà li boris par no impià foûcs; ma a zujà cul foûc a si si brusa e... a si va a cjasa!

Maman