Cjarta da picjà cul claut...

Tal'imagjinâri coletîf dala int i gjornâi a son organos di informazion bogns par savêi ce c'a sucêt e par savêi alc di pì aprufundît su robis di interes public. Di fat tai ultins agns (e in chiscju ultins periodos il fenomeno a le acelerât cetant...) i gjornai a son domi contenitôurs di falopis, monadis e informazions pilotadis da dordei ca crodin chi ducjus chei c'a leinin a seinin monis.
Ven a sta c'a si leinin notizis di fantasia vindudis comi veretâs e dal dut al servizi dal paron.
In chiscju dis si fâ un grant fevelà di San Lurinç di promessis no mantignudis di dimisions e di cetantis altris falopis e fantasîs, pompadis a dart, par fâ scjass di bant e no si fevela però di tanti altris cuistions lassadis in ereditât dai dordei dala passada aministrazion (Cossana, viabilitât, incuinament e debits...) e ca son encjamò sot i voi di ducjus.
In virtût di chistis considerazions, i gjornai di voi a tornin bogns, (ae propit vera chi li modis a tornin...) domi comi cjarta da picjà sul claut e da doprà par netâsi il cû..

Mandi e buni leturis o netadis a ducjus

Fiesta sul San Lurinç

Ai 10 di Agost in ocasion dala fiesta di San Lurinç ae stada organizada una fiesta par godisi li bielecis dala mont e par mandà un segnâl clâr a chei cuatri scjapignos c'a no an altri ce fâ chi devastà il teritori. Partinça a piè dala Claupa e via fint'in somp dal San Lurinç par cjapà la messa e par godisi una biela zornada di fiesta. Il timp a la un tic visiât il programa c'al projodeva encja un pic nic, musica e un cuc ali stelis. Un nestri fedelissin letôur al si a mandât una mail par contâsi cemont c'a e zuda.

"Il deis di Agost comi ogni an a è stata fata la celebrasion dala fiesta dal Sant tala nostra mont dal San Lurinç. Chista a è una tradision antichissima. La int di Manià a va su fin tala glesia e a li deîs il predi di Frata (don Gualtiero) a la dîs messa. Altris a fasin una scampagnada, a si portin dongja alc da mangjà, da bevi e a fasin fiesta.

La sornada a la matina di viners a e stada propit biela e a si steva benon, ma dopudimisdì a è vignuda la ploja.

Cuant chi soi rivât ta la Claupa ali noûf, a l'era za una lungja procession di int ca zeva su. Chistu an i erin pì di 300 di no! Cualchidun tal troit c'al puarta in cima a la mitût volantins cun scrit "Salviamo il nostro monte San Lorenzo". Forsi a sucedarà chi il prosim an a no sarà pì pusibul zi su par chel troi. Chel'altri, pì vecju, chi dal puint Uliana al va su a Gravena e al cuntinua fin tal glisiut, al'è un mal mitût e a la dibisugna di manutenzion.

...ma encja rivant cun l'elicoter fintincima, il loûc a nol sarà pì tant biel cun ruspis e camions a nencja cent metros.

Maman F.

La musa comi il cû...

A son personis ca si fâ simpri fadia a incuadra. Par rivà a dreça un gjudizi su chisti personis pudin meti, una denat di che altra, un pâr di considerazions: fin ai ultins di avrîl, e par vot agns, cualchidun a le stât dal dut sort (sordo par talian...) su la cuistion dala decapitazion dal San Lurinç e ansi par dut il timp a le stât a favour dal disastri. Cenenè, par fin dal'impusibul, simpri chel cualchidun ades dùt di un colp al fâ casins e al pritint ca vegnini mantignûs cers impegns sul San Lurinç. Mah...
Cualchidun, certis cuistions, a li a tignudis bunis domi cuant ca ghi coventavin. Encja chel al pritint primuris e al berla, pur savint chi di gracia dai sio amigus cuasi dut a le pierdût. Mah...
Altris a scrivin cu'la tecnica dala bandiera (no comi stile di impagjnazion da la scritura...). Mah...
In virtût di chisti considerazions si pos disi chi chiscju personagjus, fra di loûr, a an un fuart leam: a an la musa comi il cû...
Fantas, di matina a le impuartant lavâsi il mostaç, ma encja podêi vardâsi tal specju!

Mandi a ducj :-D