...su cu li antenis!

A le un moût di disi cetant doprât dali nestri bandis ma tai ultins agns a le encja un dato di fat! Parcé, si domandarà cualchidun. Basta vardâsi torotor par jodi cuantis antenis dai telefonins ch'a son nassudis di ca e di là.
An'de in plaça sora i tets, an'de tai plaçâi dali fabrichis, an'de tal mieç dali cjâsis e an'de tai cjamps a rices dal paeîs. E propit su un cjamp subit dongja li cjâsis an stan tirant su una in zona Manià di mieç; si li emisions di cjamps magnetics a fâsin mâl o no lu savarin domi di ca cualchi an, cuant chi la veretât a sarà pi fuarta dali cjacaris par dibant. Vulino discori dal parcé ch'a vegnin simpri ben scontis e mimetizadis (Cuant ch'a si scont la man voûl disi ch'a si l'a cumbinada...)?
Par fin dal impusibul ma la int no e pi buna da vivi cença il telefunin e cença SMS e il trauma da ...uchì no le cjamp a le pi fuart di chel ...ostia mi an plaçât una antena tal ort e no sai sa mi fasarâ vignì malans e s'a mi fâi murì il radic.
...cualchi mierli al dîsin: pecjât ch'a no mi an domandât a me, i sai ch'a painin ben par podêi plaça li antenis. ...vedarin di ca cualchi an cemont comi ch'a saran li robis ma intant a no si plasares savêi alc:
- li compagnîs a cui domandini il permes?
- chei ch'a vivin a reces dali antenis ani domi da tasi?
- no 'ndesi bielzà a vonde di antenis par chel ch'a si coventa?

Mandi a ducjus