Buni fiestis a ducjus

Tancju augurons di bunis fiestis a ducju i letôurs dal Curtisâr.

il meracul di San I.C.I.

A rices da la fin di chistu an un po ingropât e plen di cambiaments par il nestri biel paesot un fedelissin letôur dal curtisâr a la inviât un mesagjiu cun la rivelazion dal meracul di San I.C.I.

Comi ogni volta i suranei si implinîsi la bocja cun proclamis e nutizionis da sbancja lot ma chel chi tant al si e pavonegjât par vêi vût il merit di gjavà l'I.C.I. su la prima cjasa (fin a un impuart di 260 euros...) ades ch'a si tirin li somis, e si painin li sopis, a le colât dal sio biel palcut comi un brombul dal brombolâr.
Ven a sta chi li risorsis par gjavà l'I.C.I. su la prima cjasa (fin a un impuart di 260 euros...) a vegnin pescjadis aumentant dal 16% l'I.C.I. dai terens edificabî. Cualchidun al dîs par incentivà a costruì.
Ben i fasin gjentilmente notà a chel ch'a la vût chista ideona (pre eletorâl...) chi a Manià cjasis an de encja di massa (ma astu vidût chi tre cuarts dai casermons apena fâts a son goits...) e chi si un teren a no le edificât pos dâsi encja chi il paron nol veipi i bês par costruì o ch'al veipi altris progjes e mutîfs ch'a riguardin domi lui.

Mandi a ducjus

MAC ce schifu che a le restât...

Tai ultins timps si fâ un grant berlà di incuinament, di teritôri e di implants in via di realizazion chi nissun sa ben ce ch'a doventaran. Ducju si implinissin la bocja di promessis e cula scusa dal progres e dal "ben par la comunitât" si fâsin dali pacasadis da lassà in ereditât a li prosimi gjenerazions.
Ducju chei che volin rindisi cont di ce ch'a voûl disi degrât ambientâl a possin fâsi cuatri passus in Cilina tal sît dulà chi na volta a era la MAC2. L'impat pal voli a le devastant e pal fiât a le micidiâl (par via dal gnervoûs ch'a ven a pensà cemont ch'a van li robis...); un plaçalon recintât cun tant di cartei par no zi dentri, busons, rudinas, scovacis, spincs e fiers dapardut, e par no fâsi mancjà nuja poçons di aga maron e verda. Il dut tal gret dal flum dulà chi 'na volta a lêra il for par fâ cjalçina (pestât encja chel naturalmentri...) e dulà chi ades a son cuatri mûrs dirocâts e tanti scovacis.
Si chistu a le il pressu da pajà (puçis cumprindudis... e chei di Manialivri a san alc in merit) cuant ch'a si tirin su certs implants, forsi a le miei taca a preocupâsi par chel ch'a stan tirant su tala Cossana e chi fra l'altri al jôt la partecipazion di chei ch'a an lassât un biel ricuart a Manialivri (e il benstà dala passada aministrazion...).
A proposit di Cossana, cualchidun sai alc in merit? Ma ce stani fasint di precîs? Si savêit alc zontait un coment encj apar talian.

Mandi a ducjus