I stin pierdint il fîl!

Viodût chi dali soliti mignestris ades a si interessin encja altris media jodin di tocjà encja altris argoments, magari di no granda risonança ma di gran importança.
Fevelant dal pi e dal mancul cu'la int a ven foûr un cuadri preocupant par chel ca riguarda la professionalitât e li competencis ch'a riguardin l'ormai ex ativitât principâl di Manià: I curtis!
A le una gran caristia di guadôurs e di novi levis bunis di guçà curtis e tirà il fîl a regula di art; in altris timps forsi essi bogns da guçà a lêra un merit, ma voi comi voi a le un meracul savêi ch'a le cualchidun pi brau di un altri a guçâ. Tant a le chi par fâ lavôurs di fin a voûl da zi da artigjans in pinsion e chei chi incjimò a fasin curtis no san dulà zi a parà.
...ma invezit da invistì bêz in ents e monadis bunis domi par plaçà paracui davoûr di un taulin no saressi miei doprà i bêz par insegnà a li novi levis (chei ch'a an voja naturalmentri...) a essi bulos comi 'na volta e a no pierdi li abilitâts cha an dat lustri a Manià (a no serf a nuja serà il gjalinâr cuant chi li gjalinis a son aromai a torseon...). Li machinis e i robots a vadin ben ma a voûl encja chel ch'al sa doprà li mans. Ma cualchidun si pensi ogni tant chi Manià a lè (o a lêra) il paeîs dai curtis e dali lamis! No stin crodi chi par da lustri al curtis a bastini un museu e una cualchi fiestina a tema sinò si ch'a si passin denant ducjus. Par television a disin chi la patria taliana dai curtis a è Scarperia... SVEA BAUCS!!!

Mandi a ducjus... i artigjans cul mani.