La crisi dai curtisârs

Tal gjornâl di ieîr un articul in particolâr (il solit marchetton cença sostança...) al mereta da essi segnalât par ce ch'a le scrit. Un biel articolon su la crisi dal distret da li coltelerîs e la paralisi ch’a interessa l’economia locâl e dut il setôur metalurgjic. Si fevela encja di una crisi (par resons politichis...) e di divisions internis a la ASDI chi secont il sio ex president a si cjatares blocâda propit tal moment pi delicât, cuant ch’a dovares intervigni par judâ a comedà la situazion. L’articul al continua cuntuna biela lisada istituzionâl e cun la preocupazion dal ex president ch’al conclût l’articul disint chi chel di Manià a le l’unicu distret fermu e in dificoltât.

Voi dopu vêi passât una zornada a ridi su l’articul (encja si a disila duta no le propit nuja da ridi...) i si pirmitin, in ponta di peis, di fâ un pâr di considerazions.
- Chi chel di Manià al sepi l’unicu distret fermu e in crisi, a e una afermazion ch'al pos fâ domi un ch’a nol si rint cont di ce ch’a ghi sucêt intori (prova a domandâ cemont ch’a vadin li robis a Brugnera e a Manzan e dopu torna a scrivi tai gjornâi...).
- La crisi di Manià a e leâda a li causis ch'a blocchin ducjiu i setôurs da la economia nazionâl (tassis, presus e mercjât in crisi massa int da paja par di bant - ents cumprindûts).
- Lis iniziativis fatis fin ades no an partât a nuja e la distança fra istituzions e problemis da la int, a e simpri pi granda (si e fat tant casin par tutelà i operaios dala Zillo ma nissun si e mot par salva li uficinis cha an serât...).
- Intant chi steit cirint soluzions par salvà il distret dai curtis, nissun si e necuart chi a Manià li maestrancis a son cuasi dal dut pierdudis (e mancumâl ch'a le cualchidun ch'al a li soluzions in sacheta...).
- Nissun a crôt pi tai ents di salveça (a ghi crodin domi chei ch’a rivin a molgi alc...).
- Ma lesi mai pusibul chi comi president di un ent a tutela dai curtis, al ven mitût un, chi ta la so vita nol si e mai sentât intuna bancja a guà lamis e a rusâ manis sul nastro. Cual lesi il sio “background” professionâl.
Mahhh...
...comi simpri falopis e cjarta da claut (chel dal condot).

Mandi a ducjus

Int...

Tanti voltis il distin e la cjativa sorta a si acanisin cuntra cualchidun e no someinin volêi molà il colp in nisuna maniera, nencja cuant chi comi ch'a si dîs di sfurtuna an de bielzà stada a vonde e la furtuna a samea vêi vardât viers altri bandis.
Ven a sta chi il pêis di situazions ch'a si somin una su che altra, par chel ch'al parta il cos, al doventa insoportabil tant da fâ imbocà la strada pì scura cu'la fin pi dolorôsa e drastica. La soluzion chi in aparinça a samea la cura pal mâl di vivi però no finis in font a che strada, parcechi chei ch'a restin a si carghin il pêis di chel ch'a le zût e lu cjamin par sora di chel ch'a an bielzà.
Tai ultins timps, chei ch'a lu vedevin pi spes, a disevin chi Andrea a lera difarent tal cuarp e soradut tai voi. Mâgri cu li gruçis e i ocjâi al cjaminâva plan planin vardant denant di lui cui voi di un ch'al cuca da alri bandis.
Di robis si 'nda sintus encja massa e par di bant. Ma aromai no contin pi nuja. Di sigûr però ades a voûl da sta dongja so mâri e dongja sio fradi.

Cun sinceritât

Cuant che il savi al indichea la luna...

Un vecju proverbi al dîs chi cuant che il savi al segna la luna il gnogno al varda il deit!

Ta la cuistion dal nestri San Lurinç il savi a le encja a vonde baron e i gnonons a son in numer pi grant di ce ch'a si crôt (gjornaliscj cumprindûts). Sarà par via di ce ch'a scrivin i gjornai o par via da li vôus ch'a metin in ziru i savis torotor da la gjava a si è creât un nebion di disinformazion da no rivà a jodi pi nuja e da no capì un boro.
Fasin clareça su un par di rubutis chi forsi no ducjus a san:
1. Si fevela tant di tutelà i poscj di lavôur dai dipendents Zillo (20-25 poscj). Ma parcè in chiscju agns no ani fat nuja par li altris aziendis (tantis e cun tanta pi int a an encja serât)
2. Cui ai pirmitût chi 'na fabrica di marmelata a doventi una gjava sbrega montagnis?
3. Parcè ani mitût una centralina A.R.P.A. par rilevà il PM10 ch’a no la nuja ce fâ cu li nanopolvaris (e chi oviamentri a la dat risultâts scontâts...)?
4. A disin che i fors dala Zillo a an una temperatura di fusion altissima e a son modernos. Il fat a le chi pì alta a e la temperatura di fusion e pi piçulis a son li particelis di nanopolvaris. Morâl. Cun l’aria a vadin cetant pi lontan, a entrin cun pi facilitât tal ciclo alimentâr (orts, cjamps e frutêts a son subit dongja...) e a son la principal causa di turmôurs.
5. Sino sigûrs ch’a no brusin scovacis? E cui si garantissi ca no brusin cuiertons di machina?
6. E cemont mai i dipendents no disin mai chi l’ampliament dal implant a le stât fat in maniera da essi smantelât e spostât (almancul cussi a disin ator...).
7. Ma chei ch’a an governât fin l’an passât (e ch’a an pirmitût di dut e di pi...) parcè ades volin fâ clareça e difindi la mont? I seit voaltris la colpa pi granda!
...massa sviaments e busionis!
Par chei chi sula cuistion a niçin li spalis a e a vonde consiliada la vision dal filmât uchì linkât:
http://video.google.com/videoplay?docid=7395495186822276391
Si dopu vêilu vidût i faseit incjimò spalutis, alôra forsi il problema a no le la disinformazion ma a le di ignorança.
...un apel a chei ch’a son in cumun: podeu miga fâsi savêi alc? Par gjentileça.

Mandi a ducjus