Vota Toni, vota Meni...

Mancja pôc pi di 'na setemana a lis elezions e in d'avin bielzà ducjus un par di coj... di sintì a berlâ di cambiament di cetant ch'a son braus ducjus e di cetant ch'a an fât par noaltris.
La posta plena di monadis ogni dì, par radio e par television no stin parlâni e cu li novis tecnologjîs ades a si doprin encja i blog e i forum par fâsi cjampagna eletorâl.
In chistu blog i vin bielzà scancelât un pâr di intervents di autopromozion e prima di pierdi timp e rispundi ai solits brombui, chi no sin ne da 'na banda ne da che altra, i tignin a disi chi NO VULIN INTERVENTS E POSTS DI AUTOCELEBRAZION ELETORÂL (di nisun colour).
La transumança eletorâl a puarta ogni dì un noûf candidât pront par fâ doventà Manià la so unica rason di vita ma da lunis ch'a ven a pasaran di ca domi par cenis o parce ch'a son di strada par zi da naltra banda.
Tancjus cambiaments par no cambia un boro di nuja, solita int solits nomps e solita solfa! Cualchidun di voaltris par câs lai sintût cualchi candidât a minçonâ alc su li cuistions cjaldis di Manià? Pôc e nuja! Ansi a lei ben i volantis si scuvris adiritura chi in tre lour, a si son atribuîts il merit di vei fât da la stesa roba.
Murì di ridi!